Learning4Peace/Solomon Islands/Content/Kwarao Fishing in Isabel Province Solomon Islands
|
Description of Kwarao Fishing
Olsem mifala just stori abaot KWARAO hem kastom fishing blo mifala Isabel. Hem rope lo bush nomoa ia, no different samting, rope nomoa. Bata rope ia iu tekem kam from bush, then iu pullim round long solo wata. Bata taem hem dry wata nao iu save pullim rope ia. Pullim go go rounim nao, go go nao fish inside nao. Hem kastom ia, but name blo rope ia mifala callem LOLU. Lolu nao name blong rope ia, lo bush nomoa. First taem iu rounim go go olsem, olsem rounem iu no lukim any fish insaet yet ia. Taem hem go round round kolsap hem kolsap nao iu just lukim fish insaet. But first of all iu go putim net inside bae iu pullim fish go up. First of all iu go putim net, then iu go putim rope ia rounim solowata ia.
Ino fishing lo high tide ia, nomoa iu fishing lo low tide taem dry wata nao iu save pullim. Go go iu go rounim olsem make one meke two round, bae bae iu lukim fish insaet nao. But why hem tabu lo hem nomoa, iu no go underneath lo rope iu save top lo rope, but underneath rope nao nomoa. If iu go underneath long rope bae bae no any fish insaet long hem na ia. Olraet sapos iu go ontop hem gud nomoa. Hem no anything long hem nomoa ia. So hem nao wan, wan
Sappose iu pulim rope go finish long solo wata end blo hem long bush, end blo hem go finish lo solo wata, last man hem pull go long behind no any wan kam moa, sapos any wan kam moa bae no any fish insaet hem nomoa tabu blo hem olsem nomoa tisfala fishing ia. But iu round go go meke two, meke three meke four bae bae iu cuttim rope ia.Mekem olsem makem olsem fish ia crowded same place long net ia, downem go go olsem long wata, ba bae wanman twoman nao daeva luk luk or fish ia insaet net nao bae iumi eveyone go up pullim net go up fish insaet nao. Hem nomoa custom fishing ia mifala callem kwarao. Custom fishing blo Isabel. Hem wan dangerous something ia save go aot nomoa ia hem save run away nomoa ia because iu pullim roung long surface wata ontop ia, but undeneath ia fish save go out nomoa ia. But why nao hem waka, custom fishing kwarao nao name blo hem. Hem nomoa ia no anything long hem moa tisfala custom fishing ia.
3 min 25 sec
