Ink to Educucation

From WikiEducator
Jump to: navigation, search
           "MAREBE ABONEJE INGENDO "

Marebe aboneje ingendo Mbe muremure w'Umuyange, Muyumbu wo ku Ruyenzi Muhundwanseko w'i Gihara, 5.Amata agira gitereka .

Siniteze uru ruzaba, Numva ari wowe ndota Yewe ndanatarara, Mbeshywa ko ndiho nkundwa,

10.Nkemera ko nakunzwe,

Unkunda yari ataraza!

Natatiwe n'Umutari. Antera gucura intimba, Yemwe mpeba gukunda! Ndota iya Nyakibanda,

15.Bambe Rugira aranga!

Mbyeyi Nyinawajambo, Bibaye ibi byo gusenga, Ngafuma ngaheba byose,

         Abeza aba bazansegura.
    20.Nti<<Mana  ko uri Rubasha?

Nkuriya Mariza ureba? Uburiza kuva mu Bwana!


Ugiye ansize buhehe?

     25.Nshoke kandi mpete undi nkunde?

Reka ntazavunika igikonjo! Ngiye kwiga ndetse minuze, Nduhukire mu mahanga, Nimpeta ay'imuhanga?

     30.Nyasoreze mu bu Suwisi!!

Ku mugoroba mfata Urugembe. Rubitse amafoto yanjye , Ndabutswe nibukamo mubatoya, Marebe aboneje ingendo!!

     35.Isura inyiyanditse mu bwonko.?!

Numva rwose ndasetse cyane; Nti<<Umutima ugira ayawo! Nk'iyi sheja NIYOMUKESHA! Marebe atembaho amaribori !

     40.Teto ritamirije umutuzo,

Imana yaramutwaye! Ngo ayiteguri ajye anataka! Niyo byaba amashirarungu, Ubu yararongowe mu Buganza!

     45.Na CYIZA wo Kwa Mirenge!?


Umutima untota ntelegarama! Nti kera ukiri mu bandi , Utera imbabazi shenge, Inseko inkanga amasobwangendo,

    50.Sha! wari Isaro mu masine!

Telegaramu ayitaba bwangu, Yihariye umutuzo, Nsesa urumeza hose, Asetse mbura agasenga,

  55.Ameza urukundo umuri wose.!

Mbura uko ntungura ikingenza, Ndibebeza tuvuga ibindi!........ Iminsi iranga nyigiri irindwi Ariko indwara igakura cyane.

  60.Ntiwampa nibura nkamureba!

Nti<<cyo nkerera nsabe irembo, Rimwe ritaha umutima w'undi, Ndetse ndibikemo╭ Ndagukunda╮! Ntacyo nkocoye ijambo,

  65.Icyo gitebo cyivune twembi

Azagiture aho azashaka! Sinabwo bwambere ndabananzwe, Nyamara icyo nzira si nkizi ? Mbe Gasani gasengwa?,

  70.K'iwacu mubadacanda,

Abega ,kwa Ndamage Abagamba, Ntitwibe nti tunaraguze! Tugasangira ntiduheze? Inshuti itewe tugatabara !

  75.No Gusenga ko tunasenga,

I Kanyanza ku misiyoni . Ko abakwiha batabanenga, Kamiri, Kwa Ngoboka , Ngarambe, Ruhindage na Bikombe !

     80.Dawe ngirira ibambe !?

Naratuje bimara umwanya, Undi munsi ubu uhese ubwana, Nta muja nta mugaragu , Nta mpuruza iva iwabo?

     85.Ngo ibe yampa inkuru y'inkusi!

Nti<<uwabuze ntaronka>> Ajya yata ururimi rw'iki ? Abubu bareba isine, Isaho ryuzuye esikonti, Reka mpeta amacumu yanjye,

   90.Ahari  uwanjye ntaraza! 

Kuzuba risha amashashi, Nibwo nabonye ubutumwa buje, Bunyemeza ko ankunda, Ibingibi biziga ibanga ,

 100.Ureke iby'abubu barukinisha !

Ndetse ko uzanyambarira inkanda, Nkareka kumana n'umukanda, Nikanga akanankanda, Niyo haba no mubukode,

 105.Ankunda ukuri kuganze.

Amarira antemba ikibibi cyose, Ikiniga cy'imfata ntatabaza, Nshiduka ndeba mubona wese, Namushushanyaga uko mbisha,

  110.Kubw'imyaka ishize myinshi!

Nti <<Mutoni unkuye kure ahakonje, Aho uzagwa jye niho nzagwa, Nzatura aho uzashaka, Kuko ntakikundutira Rukundo ,

  115.Rwo rurenga imbibi ibihumbi>>

Nahise nsenga ndetse ndashima, Nshyingura niryo jambo, Ngura ifuni ibagara ubuntu, Ngo bucye ngendere nduga y, iwabo,

  120.Ngo angwe mubyano umuziracyusa.

Ijoro ndara ndigera ryose, Mama antekerera n'impamba, Ndabukwa Gihinga Gihara yose! Intumwa yacu Telegaramu

  125.Imbwira ko ari mu Buganza!?
         Intege zanjye zivamo inteja,

Ntibi ntibizwi mba ndoga Ndori! Gasani ka Mugasa mbe uwande? Mbese nkubu nkori iki rwose ,

   130.Ko mbaye  Rugayi  I Bwana.

Iyo mba nk'Umushakamba, W'umutware ruzirabwoba, Nashatse undi mu Bacyaba, Ngaho mu mbise ngire ntahe,

   135.Rukondo nyamara uhore!.

Uzamumvunire uko angenje, Enda ngutukire mwambi utyaye, Uzamukangure impyisi ihumye, Azabyare hungu impanga ,

   140.Zizakundwe urwo Yankunze!

Nuko nahuye inka bukeye, Bampaye amata biranga, Njya mugikari ndasinzira , Ruzirampuha irahutera,

   145.Nkabona ari uhamagaye ntazi,

Nitabye byiza bizira ibyoba, N'icyi cyubahiro gisanzwe, Unsubiza utuje utanijija, Uti<< ni marebe yawe aboneje ingendo,

 150. Ariwe  yangeri y'urukundo >>

Utebutsa gusa iyo neza, Uhita utebutsa ibyo kunsura, Isura n'indeshyo yawe, Njye nabitekezaga ukwanjye,

  155.Nasanze urenze uko nibwiye.

Karame mwana uyu w'umuyumbu! Uyumbayumba usa n'amasine, Useka wizigamye by'abari Mutoni utuje kurusha abandi,

  160.Warezwe neza muziranenge,

Si umwe uteye nk'abisesa! Isugi isumba izo mwa Sirena Sibo nasanze uri mudasumbwa , Sinigera nicuza kugukunda,

  165.Uri isimbi riruta ayandi,

Uwo nashimye ubupfura ,ingendo; Mutima utanguha kumpugura, Ari amahoro amahirwe; Ari ubushongore no kuberwa,

  170.Impfura isumba izo twabanye,

Iyaguhanze niyizi ibumbwe, Igihe naringukubise amaso, Nahise nkeka ko ndiho ndota, Nabwa bwiza buzira irunga

  180.Usobetse isura isuku idasanzwe!

Nturi inzobe iyi Ruhahu. Isutse uruzungu rw'abizonga Ubwema, icyubahiro n'ubwuzu Izina na sanze ari naryo muntu .

   190.Naso yakwise”Umuziranenge”.

Venez la mère de mes enfants! Coeur Immaculé et chaste, Fille ,Innocente ,Honette. Toi aûrore miracleuse!

   195.Mon Don du Ciel .

Rwa rugwiro ukigera iwacu, Ubu iyo ndwibutse ndigunga! Nkibaza niba ntariho ndota. Uwo narunduriye ibyo ntunze

   200.Nkora byose numva bizaba ibyawe.

Ubwo watwaye umutimma wanjye! Uzaze utware umubiri wose. Sindi uwanjye ngo nigenge! Dore wantwaye utavuze rwose;

   205.Kubw'urukundo ruruta byose.

Wagoroye shenge imbavu n'ibyano, Ibyiza binyura impambare. Inseko yawe munyumva nkumve, Yatumye ndara ndi munganzo.

 2010. Rukundo uteye ukwawe!!

Rwasuzuguye amategeko, Ruraza rwishyiriraho ayarwo, Rufashe munzira ndiho ngenda Mbita mpindura ngana iwanyu,

   215.Reba nk'iri joro naraye!

Wowe w'intoki z'imitozo, Mariba yuhirirwaho inyambo, Dore wateje impaka iyo mvuaka? Banze kwemera iyo ukomoka,

   220.Ngo bazemera ukuri kwanjye,

Ariko baje gufata irembo,

Naho ahangaha  ku uyu mubumbe,

Witwa si wirirwa unaserera , Ngo basanze nta sugi yasa nawe,

   225.Marebe yanjye aboneje ingendo

Nti<<iri ya Nshanga izirusha ubwema, Uriya mwali utari umwanda, Gihango cyanjye I Gihara iwabo,

         Ku kagezi keza nka  Nyabarongo,
   230.Ku ishya ryegamiye Shyorongi.

Ngaho rero mu maranyota, Urankureho uru rutoto, Simporempanzweho n'ikidodo, Urantegurize nze mvunyishe

  235.Umwaka utaha undi batebutse!

Utaha wundi tuziture, Uze unyiturire mugituza, Utere nikirize nshakambe, Umfashe umbere no kuruhimbi.

   240.Nyanjye ndemeye mbe umutozo.

Rukundo ntagura amagana, Wambwiye kw'imari atari Imana, Unava iwanyu uca ingoyi zarwo!, Nzakwitura kutagushavuza iteka,

   245.Ibiri n'5,Mata ,uzakunsura, 

Dore wandyoheye utisheshe, Ukaba waranzigamiye ubwari, Ubwuzu bwujuje ibyo gukundwa, Reka kubibara birandenze ,

   250.Iyaduhanze iduhore hafi!

Ndamutse mpombye ibyo ku gukunda, Byangora kuguma nkunda Nyamara icyo nzicyoundagukunda, Nzagukunda,ndanagukunda, naragukunze.

 255.<<Abikunda bajye bakunda iko nayo ikunda abo  Bayikunda>>
  “Marebe yanjye aboneje ingendo”

HAGENIMANA Theoneste (aka Rugamba) On my bed the 8th /08/2010